Uns Verein

In´n „Verein zur Erhaltung und Förderung der St.Gertrudkirche Altenwerder e.V.“, kort: „Fördervereen Oolwarder“, findt sik Minschen tosamen, der freuher op Oolwarder leevt hebbt, oder de sik hüüt sünnerlich mit Oolwarder verbunnen feuhlt.Keen mehr weten will, fraagt: Anneliese Schauberg as de 1. Vörsittersche (Tel.: 040 / 700 84 24) oder Klaus Lippmann, de de Kass höllt:
(Tel.: 040 / 796 10 01, Fax: 796 10 06)

Vun dat freuhere Dörp Oolwarder is blots noch de Kirch nahbleben as een Steed, wo Minschen sik drapen un een vun den annern heuern köönt.

Wi sett uns dorför in, dat dor een Programm stattfinnen deit, an dat jedereen, de sik för Kirch un Kultuur interesseert, sien Freid hett.

Dorto bruukt wi Jun Hölp. Blots wenn Veele uns bistaht, köönt wi dat schaffen.

Dat geiht ganz eenfach. Ji mögt blots

  • uns Goddesdeensten, Konzerte un annere Dagfahrten beseuken, un ok seggen, wat Ji an Ideen un Anregungen un Programmvörschlääg inbringen köönt;
  • Jon Frünnen un Bekannten vertellen, wat bi de Oolwarder Kirch loos is un wat düsse Kirch för Minschen bedüüd, de freuher hier leevt hebbt, oder sik hüüt hier tohuus feuhlt.
  • uns Arbeid mit Jon Spenden ünnerstützen (IBAN : DE86 2005 0550 1087 212120 , BIC : HASPDEHHXXX) . De Spenden kanns vun de Stüüer afsetten!
  • Lidmaat in uns Vereen waren. Al mit eenen Bidrag ab 25,- € int Jahr geheuert Ji dorto!

Eenfach de Datei unten utdrucken, utfüllen un ünnerschrieben, un uns denn wedder toschicken:

Verein zur Förderung und Erhaltung der St. Gertrudkirche Altenwerder e.V.
z.Hd. Kassenwart Klaus Lippmann
Dubbenwinkel 11
21147 Hamburg

Verein Altenwerder – Antrag auf Mitgliedschaft   (712 KB)